谢耐格好心，肯替倪想法，原是再好勿有格事体，不过倪无缘无故拿仔耐格洋钱，叫倪心浪陆里意得过，故歇倪想起来，随便那哼总归还是嫁仔人格好。不过倪要嫁起人来，比仔别个倌人加二烦难。倪勒浪上海滩浪总算有点名气，老实说推扳点格客人，倪也看俚勿上。再说起格排滑头码子格年轻客人，要讨倪转去格多煞来浪，格是加二勿连牵哉。格个嫁人是一生一世格正经事体，勿是勒浪弄白相，倪又勿比格排呒拨长心格倌人，嫁仔人再要出来做生意。倪要末勿嫁，嫁

仔人末陆里再好出来，所以倪拣来拣去，总归呒拨中意格客人，像耐人少一样格客人，倪看得总算中意格哉，耐人少咿是格规规矩矩格人，陆里肯讨格倌人转去？八少耐去搭倪想嗫；